The Occupation Tapestry Homepage

La Tapiss'sie d'l'Otchupâtion

Ch'fut en 1988, quand l'Île 'tait à dêcider coumme tchi mèrtchi
l'chînquantième annivèrsaithe d'la Libéthâtion, qu'nou-s'eut l'idée
d'faithe eune tapiss'sie à seule fîn d'mouontrer la vie duthant les chînq années d'l'Otchupâtion.

Châque Pâraîsse entreprînt la faîth'sie d'eune partie d'la Tapiss'sie
tch'explyiqu'thait un difféthent thème:

Lé c'menchement d'la dgèrre - La Trinn'té
Lé c'menchement d'l'Otchupâtion - Grouville
Les restrictions - St. Hélyi
Lé transport - St. Pièrre
Les bésoins dé touos les jours - St. Saûveux
L'êcole et l'travas - St. Louothains
La vie sociale - St. Ouën
L'Bailli - St. Brélade
Les dêportâtions - Ste. Mathie
Laîssis driéthe - St. Jean
La Rouoge Crouaix - St. Martîn
La Libéthâtion - St. Cliément

Y'avait envithon trais chents pèrsonnes tchi travaillaient sus la
Tapiss'sie, mais les gens 'taient encouothagi dé v'nîn aîdgi lé travas en ajouôtant un point.

La Tapiss'sie fut ouvèrte par lé Prînce dé Galles au Jour d'la Libéthâtion 1995 et fut transféthée à la nouvelle Gal'lie en 1996.