lé mûsée jèrri

Lé Mûsée d'Jèrri est l'miyeu dgide à l'histouaithe, la tchultuthe et l'envithonnement dé l'Île.

La maîson, Neunmétho 9, Lé C'mîn d'la Cauchie, fut bâtie envithon 1818 pouor Ph'lippe Nicolle et sa fanmil'ye, et fut donnée à la Sociêté
Jèrriaise en 18??

Au d'ssus d'la vielle porte nou liet chu vèrset: "Fier coum Cyrus, mesviers anmins, j'vos ouvre l'us, l'us d'ma cauminne".

Un nouvieau bâtisse fut ajouôté en 1992 auve l'entrée par lé gardîn tchi donne sus l'Bridge. À bas, y'a l'café et la boutique où'est qu'nou peut acater des livres et des présents. Lé p'tit film tch'est mouontré au thiâtre audio-vîsuel donne ès vîsiteurs eune întroduction au mûsée et à l'Île.

À haut, y'a eune exhibition entouor l'Histouaithe dé Jèrri tchi explyique la Pré-histouaithe, la Constitution, les louais, lé conmèrce et l'agritchultuthe auve l'aîgue d's objets, d's illustrâtions et des
compiuteurs.

Y'a eune gal'lie d'art étout auve un tas d'portraits par d's artistes Jèrriais et êtrangièrs.

Tchiques appartéments dans la vielle maîson ont 'té restaurés et mouontrent comme tchi qu'la fanmil'ye du Docteu Ginestet y vivaient en 1862.