lé mûsée maritînme

Dans chu mûsée, ouvèrt en 1997, les vîsiteurs sont encouothagis d'touchi l's objets pouor apprendre un tas d'tchi entouor la mé, les batchieaux, et les navidgants. Nou-s'apprend en faîthant.

Les mathées, les vents et les couothants sont touos explyitchis, et pis nou trouv'tha l'histouaithe des batchieaux - les vailes, les noeuds, les légendes, les crianches et les naûfrages. Y'a étout eune explyicâtion des grèves et des paîssons et du vrai qu'nou-s'y trouve.

L's expéthiences des pêtcheurs, navidgants, mat'lots, amithaux et fraudeurs sont racontées par des objets, des portraits, et d's exhibitions înteractives. Nou trouv'tha l'histouaithe du conmèrce et d'l'explorâtion tchi 'taient entreprîns par des Jèrriais dans lus batchieaux.